متحدہ عرب امارات میں ایوی ایشن، انرجی اور ایجوکیشن سیکٹرز کو سائبر حملوں کا نشانہ بنایا گیا تھا۔ سائبر سکیورٹی کونسل نے بتایا کہ ان حملوں میں فشنگ مہمات اور ڈیجیٹل سسٹمز میں داخل ہونے کی کوششیں شامل تھیں۔ حملہ آوروں نے مختلف تکنیکیں استعمال کیں اور صارفین کو ہدف بنانے کی کوشش کی۔ قومی سائبر سکیورٹی سسٹمز نے بروقت ان حملوں کا پتہ لگا کر انہیں روک دیا۔ فوری اقدامات سے حملہ آور اپنے مقصد میں کامیاب نہیں ہو سکے اور متاثرہ شعبوں کی سکیورٹی اور خدمات کا تسلسل برقرار رہا۔ ای آر اے نیوز گلف کے مطابق یہ کارروائی کامیابی سے مکمل کی گئی۔