ابوظبی کی کمپنی Space42 اور امریکہ کی Skylo Technologies نے ایک ایسا ٹیسٹ مکمل کیا ہے جس میں عام اینڈرائیڈ فون سے Thuraya-4 سیٹلائٹ کے ذریعے دو طرفہ ایس ایم ایس اور ایمرجنسی ایس او ایس بھیجا گیا۔ اس ٹیسٹ میں فون کو کسی الگ اینٹینا یا سیٹلائٹ ٹرمینل کی ضرورت نہیں پڑی۔ پیغام بھیجنے کے لیے موبائل آپریٹر کے موجودہ سم اور شناختی نظام میں بھی کوئی تبدیلی نہیں کی گئی۔ اس تجربے سے ثابت ہوا کہ جب موبائل سگنل نہ ہو تو بھی مخصوص فون سیٹلائٹ کے ذریعے پیغام، ایمرجنسی الرٹ یا لوکیشن شیئر کر سکتے ہیں۔ فی الحال صرف پیغام رسانی اور ایمرجنسی سروسز ممکن ہیں۔ Space42 کا کہنا ہے کہ مستقبل میں اس ٹیکنالوجی کو عام سبسکرپشن میں شامل کرنے کا ارادہ ہے۔ ای آر اے نیوز گلف